Landbrugsrådi siunnersuisuuvoq Naalakkersuisut sinnerlugit, nunalerinermi apeqqutit pillugit. Landbrugsrådimi nunalerinermik inuussutissarsiutip iluani sinniisorititat assigiinngitsut ilaasortaapput, toqqaannartumik inuussutissarsiummiit susassaqarfinniit kiisalu politikkikkut aqutsisoqarfinneersut. Landbrugsrådip suliassat aalajangersimasut suliarisarpai, Naalakkersuisunit suliakkiissutit aammalu Naalakkersuisunut oqaaseqaatiliorsinnaallutik, Kalaallit Nunaanni nunalerinerup iluani nutaaliornissap iluani iluarsiissutaasinnaasunik innersuussuteqarsinnaalluni. Taakkua saniatigut nunalerinerup iluani apeqqutit suliarisinnaasarpaat, Naalakkersuisunit suliarineqaqqaarsimanissaat pisariaqarsimanngikkaangat.

Landbrugsrådip naalakkersuisut nunaleriermi politikkit iluani aaqqiissutissanik siunnersuisarpoq; pingaartumik aningaasaliissutissani, ikiorsiissutissani ineriartortitsinissanilu aaqqiinissani, nunalerinermik inuussutissarsornerup iluani. Landbrugsrådi nammineerluni Naalakkersuisunut siunnersuuteqarsinnaavortaaq nutaaliornissat pillugit imaluunniit nunalerinerup iluani inatsisinik atuuttunik allannguuteqartitsinissami siunnersuuteqarsinnaallutittaaq.

Landbrugsrådip aaqqissugaanera inuttalersugaaneralu ataani takussutissiami takusinnaavat:

Qulaani takuneqarsinnaasutut, Landbrugsrådi nunalerinerup iluani aappaatut suliffeqarfiusunut, misileraavimmut aamma Upernaviarsummi nunalerinermik atuarfimmi siulersuisutut inissisimavoq aappaatullu Qaqortumi Nunalerinermik Siunnersorteqarfimmut. Landbrugsrådi aqutsisussatut aallartitaqarfiuvoq Aalisarnermut, Piniarnermut Nunalerinermullu Naalakkersuisumut atasumik. Nunalerinermut Siunnersorteqarfimmi Siunnersortaanerup taakkunannga aqutsinissaq annertunerusumik suliassarisarpaa.

Taamatut aaqqiinermi Landbrugsrådi suliffeqarfiusunut aalajangigassani akisussaassuseq tigummisarpaa Naalakkersuisunullu akisussaaffeqarluni qaqugukkulluunniit politikkerilersimasaq naapertorlugu.

Landbrugsrådimi ilaasortat ukuupput:
- SPS (Savaatillit Peqatigiit Suleqatigiissut, De samvirkende Fåreholderforeninger) ilaasortat marluk
- Nunalerinermik Siunnersorteqarfimmi suleqataasoq ataaseq
- Kommune Kujallermiit sinniisorititat pingasut
- Neqi A/S
- Ministeriet for fødevarer, landbrug og fiskeri i Danmark

Taakkua saniatigut Aalisarnermut, Piniarnermut Nunalerinermullu Naalakkersuisup Kalaallit Nunaanni nunalerinerup iluani inuussutissarsiornermut nalunngisaqarluartut marluusinnaasut toqqarsinnaatitaavai.

Landbrugsrådimi aalajangersimasumik aggersagaasarput sinniisussat oqartussaniillu ukuneersut:
- Savaateqarnermi Allaffeqarfimmiit SPS-ip ataaniit
- Nunalerinermut Siunnersorteqarfikg
- Savaatilinngorniat atuarfiat
- Pinngortitaleriffik
- Inuussutissarsiornermi immikkoortortaqarfik
- Avatangiisit Pinngortitarlu pillugit Qullersaqarfik

Landbrugsrådimi siulittaasussaq Landbrugsrådimit aamma Aalisarnermut, Piniarnermut Nunalerinermullu Naalakkersuisup innersuussutigineqarnerisigut toqqarneqartarpoq. Rådimi ukiorpassuarni siulittaasuusimasoq Kaj Egede, 1993-miit 2008-mut siulittaasuusimasoq, juulimi 2008 Suka Frederiksen-mit taarserneqarpoq.

Allaffissornikkut isumagisassat ataatsimoorussamik allattoqarfimmit isumagineqartarput aalisarnermut, piniarnermut nunalerinermullu Aqutsisoqarfimmit aamma Nunalerinermut Siunnersorteqarfimmit. Nunaleriermut attuumassutilinni suliassat Aqutsisoqarfimmi atorfilimmit isumagineqartarput taamaalillunilu aamma allatsitut inissisimalluni. Nunalerinermut Siunnersorteqarfiup nalinginnaasumik Landbrugsrådimut innersuussutigineqarsimasut sularisarpai nunalerinermik politikkip iluaniittut. Taassuma saniatigut suleriaaseqarnissami ataatsimiititaliamik pilersitsisoqarsimavoq, siulittaasumit, tullianit kiisalu Landbrugsrådimi ilaasortaasunit pingasunit inuttaqartinneqartoq. Landbrugsrådi ukiumoortumik Naalakkersuisumut nalunaarusiortarpoq. Landbrugsrådip aningaasaliissutissat atortussanut, aqqusinniornernut savaateqarfinnilu atugassat innersuussutigisarpai. Aqqiserngit tassaapput Kommune Kujallermiittut; siusinnerusukkut Nanortallip, Qaqortup Narsallu kommunerisimasaanniittut. Sanaartugassat kommune aamma Namminersorlutik Oqartussat suleqatigalugit isumagineqartarput, tassami suliassartaat kommuniusunit suliarineqartartussaammata.

Pilersaarusiornerit pingaarnersiuinerillu Nunalerinermut Siunnersorteqarfimmik Landbrugsrådip ataani inissisimasumik isumasioqatigeereernerup kingorna ingerlanneqartarput. Naatsorsuutigineqartarpoq kommuni pilersaarusianut assigiinngitsunut aningaasaliinissani amerlaqataanik aningaasaliissuteqartarnissaa. Siunertaavoq, savaateqarnermik inuussutissarsiornerup aaqqissuunneqarnerani ineriartortitseqataanissaq pisarialimmillu aserfallatsaaliinissani ineriartorteqqitassanilu peqataajuartarnissaq. Aqqisinniornikkut aamma takornariaqarneq siuarsarneqarsinnaalluarpoq. Kontomi tassani aningaasaliissutaasimasut ilaatigut aqqusinernut nutaanut pioreersunullu pitsanngorsaanissanut aserfallatsaaliuinissamullu atorneqartarput. Amerlanerpaartaat aqqusinernut pioreersunut pitsanngorsaanissanut aserfallatsaaliuinissanullu atorneqartarput. Inaarutaasumik pingaarnersiuineq pisarpoq, nunalerinermik politikkimi anguniakkat aallaavigalugit tamannalu pisarpoq Landbrugsrådip Nunalerinermut Naalakkersuisumut innersuussuteqarsimanerata kingornatigut.