savacon@gh.gl
kalaallisut..English
 

 

 
 

Savaatilinngorniarneq

Savaatilik/nunaatilik neqinik naatitanillu tunisassiortuuvoq, ullumikkut annertunerusumik savaaqqat neqaanik. Savanik kinguaassiortitsinissaq nunatsinni namminerisamik inuussutissanik pilersuilluni tunisassiornissami pingaarutilipilussuuvoq, aamma ulluinnarni nalliuttunilu savaaqqat neqaannik nererusukkutta, nunatsinneersunik kartoffilinik ruuanillu nererusukkutta, taava tamanna nunaatillip isumagissaqqaarpaa.

Savaatilittut/nunaatilittut ilinniartitaaneq ukiunik pngasunik sivisussuseqarpoq, Upernaviarsummi atuagarsorneq aamma Kalaallit Nunaanni Island-imi Norge-mi sungiusartinneqarneq:

Qaammatiti pingasut siulliit Nunatsinni savaateqarfimmi
    sungiusarneq, aug-okt
Ukioq ataaseq Upernaviarsummi atuarneq/sungiusarneq, nov-okt
Ukioq ataaseq Island-imi Norge-mi sungiusarneq, nov-aug,
    oqaasilerineq ilanngullugu
Ukioq ataaseq Norge-mi Island-imiluunniit nunalerinermik
    atuarfimmiinneq, aug-maj
Naggataarutaasumik pilersaarusiorneq, Upernaviarsummi, juni

Periarfissaqarpoq Island-imi/Norge-mi sungiusarnerup sivitsorneqarsinnaanissaa, oqaatsitigut pikkorinnerulernissaq pitsanngorsarniarlugu. Aamma periarfissaqapoq ilinniarnerup ukiuisa pingajuanni ilinniartitaanerup soraarummeerutigineqarsinnaanera kalaallisut, immikkut Upernaviarsummi atuaqqeqqaarnikkut.

Ilinniartitaanerup nalaani kemi, naggorissaatit- nunap akuinik, kinguaassiortitsinermik, paqqinninnermik aamma uumasunik nerlersuinermik, uumasuutit peqqissusaannik, aningaasarsiornermik- inuiaqatigiilerinermillu, naatitanik paasinnissinnaanermik, illuliornissamik ilinniartitaanermik kiisalu naatsorsuutinik maskiinanillu atuinissamik sammisaqartinneqassaatit. Ilinniartitaanerup ukiuisa siulliannut atatillugu kørekort-itaartinneqassaatit, taannali nammineq akilertariaqassavat. Ilinniartitaaneq naggaserlugu savaateqarfimmi/uumasuuteqarfimmi ingerlatsinermi pilersaarusiortinneqassaatit.

17-nik ukioqalereersimagaanni ilinniartitaanermut ilannguttoqarsinnaavoq.

Saaffiginniffissaq:
Upernaviarsuk
Postboks 152
3920 Qaqortoq

oqar.: + 299 649 326

.... imaluunniit piffinni Piareersarfik