Kalaallit Nunaanni Nunalerinermi takorluukkat - ukioq 2015-ip tungaanut nunalerinerup iluani ineriartortitsinissami iliuusissat
Nunalerinerup iluani pisariaqartitat unamminartut qiviaraanni, pisariaqarpoq siumungaaq nunalerinermik inuussutissarsiornerup periarfigisinnaasai qulakkeerniassallugit,
pisariaqartitat, atuisumit inuussutissarsiornerup tunisassiarisartagaanik pisariaqartinneqartuni aammalu sapinngisamik inuiaqatigiit ineriartortinneqarnerannut
atasumik kissaatigineqarsinnaasanut naapertuuttumik qulakkeerinninnissaq anguniarlugu.
Unamminartut sapinngisamik inuussutissarsiorneq immineq suleqatigalugu aaqqinniarneqassapput,
Savaatillit Peqatigiit Suleqatigiissut (SPS) aamma Landbrugsrådi aqqutigalugit.
Makkua pisussat tamaviaaruffigineqassapput:
- Inuussutissarsiummik ingerlataqartunut eqeersimaarnarnerusunik aaqqissuussisoqartariaqarpoq, tamannami
aqqutigalugu nukissaqartoqarnerulersussaammat aamma pitsaanerusumik atorluaasoqarnerulersussaammat
nunalerinerup iluani pisortanit namminersortuniillu aningaasaliissutaasartunut iluaqutaasussamik.
- Allaffissorneq eqaallisaavigineqassaaq inatsisinillu pisariillisaalluni, ilaatigut immikkoortortaqarfiup
tamatigoornerulersinneratigut, IT-mik atortorissaarutinik pitsaanerusunik atuilernikkut, allaffissorneq
nunalerinermilu inatsisit pisariillisarneqarsinnaalissammata.
- Anguniagalimmik nutaaliorneq tunisassianillu ineriartortitsineq ilaatigut SPS-ip aamma inuussutissarsiornerup
siuarsarneqarnissaanut iliuuseqartussat akornanni suleqatigiinnerup pitsanngorsaavigineqarneratigut kiisalu
Nunalerinermik Siunnersorteqarfiup akisussaaqataaffiinik ineriartortitsiuarnikkut.
- Ilisimasalittut siunnersuinissat aamma allaffissornerup qulakkeernerisigut kiisalu oqartussaaqataanerup
ineriartortinneqarnerata nukittorsarneqarneratigut, inuussutissarsiuteqartunut ilinniartitaaneq
ilinniartitseqqiinerlu aqqutigalugit eqqumaffigilluarniarneqarnerisigut.
Nunatsinni nunalerinermik politikki pillugu paasissutissat unani:
"Nunalerineq pillugu politikkimik nassuiaat 2007" (PDF, 400 KB)
Aalisarnermut, Piniarnermut Nunalerinermullu Qullersaqarfiup nittartagaaniittoq.
