savacon@gh.gl
kalaallisut..English
 

 
 

Upernaviarsummi naatitsivik

Upernaviarsummi naatitsivik 1953-mi naatsiivilerineq orpinnillu misileraanerit aallartimmatali atuutilersimavoq, naatitsiviit siulliit pilersinneqarlutik. Ukiorpassuarni naatitsivimmi pisortaasup Poul Bjerge-p, misileraanerit ingerlassimavai soraarninngornissani tikillugu ukioq 2000-mi. 2007-miilli gartnerip norgemiup Anders Iversen-ip tamanna ingerlatarilersimavaa.

Upernaviarsummi naatitsivik suli "sorpassuaqarfittut" ingerlanneqarpoq, silaannarmi, inerittitsivinni naatitsivimmilu 144 m2-mi. Silami naatitsinerit annikitsukkaarlugit ingerlatsiviupput, annertunerusumik naatitanut kartoffilinullu atorneqartartut. Nunataa seernapajaartuuvoq, issorissuullunili, kalk-imillu naggorissaaserneqaraangami tunisassiornissamut piukkunnarnerulersarluni.

Naatitsiviit 1950 aamma 60-ikkornisaapput, aasaanerani naasunut sikkersussanullu atorneqartartut. Aamma "takutitsivittut" atorneqartarput tunisassiarisanut. Naatitsiviit aamma grøntsag-inik silami naatitassanik piareersaavittut atorneqartarput.

Illu naatitsivik marloqiusaavoq, 1987-mi kiassaasersorneqarsimasoq kiisalu "nillertuusivik" 2005-meersoq, imaappoq kiassagaanngitsoq. Illu naatitsivik aasaleqqaarnerani ikkussugassanik tunisassiorfiusarpoq, kingusinnerusukkullu grøntsag-inut.

Nutaamik illumik naatitsiviliortoqartussaavoq 2009-mi aasakkut 125 m2 angissusilik, plastikkimik qalliutilik kiassagarlu, neriorsuutigineqarsimasutut ukiorluugaluartumiluunniit atasinnaasorooq. Misileraanerup takutikkumaarpaa taanna Nunatta sinnerani naatitsivittut aallani aamma atulerneqarsinnaassanersoq, akikitsunnguummat. Illu naatitsivissaq nutaaq Kommune Kualleq aningaasaliisoralugu napparneqartussaavoq.

Naatiivimmi aasap naasui assigiingitsut killilimmik amerlassusillit naatinneqartarput, kiissalu naatitat assigiingitsut sinerissami pisiniarfinnut akissat naatinneqartarlutik. Upernaviarsummi naatitanik naatitsisoqartarpoq naatitani assigiingitsuni pissuseqatigiit sorliit naatitseriaattillu sorliit Kalaallit Nunaata kujataanut naleqqunnerunersut paasiniarlugu taammalu inuusutissarsiortunit atorneqarsinnaaqqullugit.

Attaveqarfigisassaq:

Upernaviarsummi Naatitsivik
Postboks 152
3920 Qaqortoq
oqar.: + 299 649 326

Naatsiivilerisoq Lasse Bjerge
oqar: + 299 239 166