savacon@gh.gl
kalaallisut..English
 

 

 

 
 

Uumasut nakorsaat

Qaqortumi uumasunut nakorsaqarfeqarfik pilersinneqarpoq 1966 - 1967-mi ukiorlorujussuarnerata kingunerisaanik, taamanikkut savaatigisat affaat toqusoormata. Taamaalimmat qallunaat tungaanniit aalajangerneqarpoq Qaqortumi uumasut nakorsaannik inissiisoqassasoq 1968-mi, nunatsinni savaatilinnik ikiuisussamik.

Taamaattumik Qaqortumi uumasut nakorsaannik inissiinermi annertunerusumik savaateqarfinnik sullissinissaq pilersitsinermut pissutaasimavoq. Ullumikkut savaatilinnut siunnersuinerup saniatigut suliassat aamma Namminersorluni Oqartussat ataanni inuussutissalerinermi inatsisit ataanni suliassat suliarineqartarput, neqinik nakkutilliinerit, ilaatigut uumasunik illersuinissami suliassat, kommunip iluani perlerortoqannginnissaanik nakkutiginninnerit, taakkualu saniatigut illoqarfimmi Kujataanilu uumasut nakorsaattut suliassaasut iluanni isumaginninnerit suliarineqartarlutittaaq.

Attaveqarfigineqarsinnaasaq:

Umasut nakorsaanerat
Lajos Zoltan Muzs
Sanatorievej B-279 A
Postboks 169
3020 Qaqortoq

tlf.: + 299 642 238
mobil +299 492 849
e-mail: lazm@nanoq.gl

Savaatilinnik siunnersuineq
Uumasulerinermi ajornartorsiutaasartut amerlanersaat ukiuunerani aamma upernaakkut piaqqiorfiup nalaani takkuttarput. Piffissami tassani savat savat inaanniitsinneqartarput ukiuuneranilu nerlersorneqartarlutik. Katsorsaanissani ajornartorsiutaasartut tassaanerusarput Listeriose, naartunerlunnerit, immummik amigaateqarnerit piaqqiornermullu atatillugu ajornartorsiutit (dystoki). Nakorsaasersuinerit passussinissallu, oqarasuaatikkut uumasut nakorsaannik attaveqarnikkut pisarput, taamaaligaangat savaatillit nakorsaataasivimmiit nakorsaatissanik tunineqartarlutik, nammineerlutillu innersuussutigineqarsimasut malillugit passusisinnaasarlutik.

Savat eqqunneqartut kingulliit 1924-meersuupput, taamaattumillu Kalaallit Nunaata iluani kisimi nappaatinik tuniluuffiusinnaalluni, nunani allani annertuumik nappaataasartut assiginagit. Maedi aamma Scrapie Kalaallit Nunaanni atuussimanngillat, aammalu nualluutit soorlu border-disease aamma myrobakteria misissuisarnerni naammattoorneqanngisaannarsimallutik. Aappaatigut Kalaallit Nunaanni terianniat akornanni perlerornermik nappaataat atugaasupilussuusinnaasarpoq, savalli ataasiakkaat perlerornermik nappaammik tunillanneqarnissamut akiuussutissamik kapineqartarput terianniamit qaninngoorneqarsimagaangata.